وزیراعظم عمران خان دی ازبکستان دے صدر نال ون آن ون اتے وفد دی سطح تے ملاقات
APP65-150721
TASHKENT: July 15 - Prime Minister Imran Khan in a tete-a-tete meeting with Uzbek President, Shavkat Mirziyoyev. APP
تاشقند۔15جولائی(اے پی پی)پاکستان اتے ازبکستان آپت اچ ݙوطرفہ تعلقات تکڑے کرݨ، تجارتی، ثقافتی و سیاسی روابط ودھاوݨ سانڳے کٹھیاں کوششاں جاری رکھݨ تے اتفاق کیتے جو مختلف شعبیاں اچ پورا ہتھ ونݙایا ویسی۔ اے اتفاق پاک، افغانستان اتے ازبکستان بزنس فورم دے موقع تے وزیراعظم عمران خان اتے ازبکستان دے صدر شوکت مرزیوف وچال صدارتی محل اچ ملاقات ویلھے کیتا ڳئے۔ ازبک صدر مہمان وفد دا استقبال کیتا جیندے بعد ون آن ون ملاقات تھئی۔ ایں ملاقات اچ باہمی دلچپسی دے مختلف معاملیاں خاص کر ݙوہاں ملکاں وچال تعاون دیاں راہیں کݙھݨ تے الایا ڳیا۔ ازبک صدر آکھیا جو پاکستان نال باہمی تعاون، تجارت، معیشت و سرمایہ کاری ودھاوݨ چاہندے ہیں، اساں پچھلے سال آپݨی کرکٹ ٹیم وی رجسٹرڈ کرائی اے ایں سانڳے پاکستان دے تعاون کوں خوش آمدید آکھسوں۔ وزیر اعظم عمران خان آکھیا جو اے میݙا ازبکستان دا پہلا دورہ اے بھل ہݨ اے آوݨ ونڄݨ لڳا راہسی جو ݙوہیں ملکاں وچال تعاون دے نویں رستے نکلدے پین۔ ون آن ون ملاقات توں بعد ݙوہاں ملکآں دے تجارتی وفد دی وی ملاقات ھئی جیندے اچ ݙوہاں ملکی دی اہم قیادت آپ وی موجود ہئی۔
