نواز شریف دی جعلی میڈیکل رپورٹ پاکستان دے قانونی نظام دا مذاق اݙاوݨ آلی ڳالھ اے، شریف ٹٻر جعلی میڈیکل رپورٹس ݙیوݨ بند کرے، وفاقی وزیر اطلاعات چوہدری فواد حسین

اسلام آباد۔1فروری(اے پی پی)وفاقی وزیر اطلاعات و نشریات چوہدری فواد حسین آکھیے جو نواز شریف دی جعلی میڈیکل رپورٹ پاکستان دے قانونی نظام دا مذاق اݙاوݨ آلی ڳالھ اے، شریف ٹٻر جعلی میڈیکل رپورٹس ݙیوݨ بند کرے، نواز شریف کولو ہکو رستہ اے جو او پاکستان دے لوکاں دا پیسہ ولا ݙیون۔ اے ڳالھ انہاں نواز شریف دی میڈیکل رپورٹ تے الیندے آکھی۔ انہاں آکھیا جو نواز شریف ولوں وݙی دلچسپ میڈیکل رپورٹ ہائی کورٹ اچ ݙتی ڳئی اے جو او دبائو وات ہین، کرونا پاروں پاکستان دا سفر نئیں کرسڳدے، نواز شریف امریکہ اچ ٻیٹھے اپݨے ذاتی معالج کولو جعلی میڈیکل رپورٹس ٻݨا تے ٻھیڄݨ قانون دا مذاق اے۔ انہاں آکھیے جو پہلے نوازشریف ملک دا پیسہ ولا ݙیون ول بیشک ٻاھرو راہون، جعلی رپورٹاں نال کم نہ ٻݨسی۔ انہاں امید کیتی جو عدلیہ اینڄھیاں جعلی رپورٹس دا نوٹس ڳھنسی اتے ملک دا وقار بحال کریسی۔

مضمون کا ماخذ : لوٹیریا سانتا کیٹرینا

متعلقہ مضامین