چیف جسٹس آف پاکستان جسٹس قاضی فائز عیسیٰ دا گارڈ آف آنر گھنݨ توں انکار

اسلام آباد۔18ستمبر(اے پی پی) چیف جسٹس آف پاکستان جسٹس قاضی فائز عیسیٰ گارڈ آف آنر گھنݨ توں انکار کرݙتے ۔ چیف جسٹس قاضی فائز عیسی سنوار کوں اتھاں سپریم کورٹ پڄے تاں انہاں گارڈ آف آنر گھنݨ توں انکار کریندے ہوئیں پولیس کوں ہدایت کیتی جو اپݨی ذمہ واریاں اتے فرائض دل نال نبھاون ۔ واضح رہے جو اسلام آباد پولیس دی طرفوں نویں چیف جسٹس آف پاکستان کوں گارڈ آف آنر پیش کیتا ونڄݨا چاہیدا ہئی ، پولیس سابق چیف جسٹس کوں وی گارڈ آف آنر ݙتا ہئی ۔ ایندے توں پہلے جݙاں چیف جسٹس قاضی فائز عیسی سپریم کورٹ پڄے تاں ایں موقع تے عدالت دے عملے دی طرفوں انہاں دا پروقار استقبال کیتا ڳیا ۔ واضح رہے جو چیف جسٹس آف پاکستان جسٹس قاضی فائز عیسیٰ بطور چیف جسٹس اپݨے فرائض منصبی دی ادائیگی کیتے پہلے ݙینھ بغیر پروٹوکول سپریم کورٹ پڄے تے آپݨی ذاتی گاݙی اچ عدالت آئے ہن ۔

مضمون کا ماخذ : نتیجہ یہ ہے کہ

متعلقہ مضامین