واقعہ کربلا قیامت تئیں حق تے باطل وچال تفریق دا پیمانہ اے، وفاقی وزیر اطلاعات عطاءاللہ تارڑ

لاہور۔16جولائی (اے پی پی) وفاقی وزیر اطلاعات عطاءاللہ تارڑ آکھیا جو واقعہ کربلا قیامت تئیں حق تے باطل وچال تفریق دا پیمانہ اے۔ امام حسینؓ دے سارے رفقاء دا حوصلہ، صبر تے استقلال اتے تدبر اساݙے کیتے مشعل راہ اے۔ اے ڳالھیں وفاقی وزیر اطلاعات عطاءاللہ تارڑ امام بارگاہ کاشان عباس دے دورہ اچ آکھی۔ انہاں مجلس تے جلوس دے روٹ دا معائنہ کیتا جڈانجو مجلس اچ سکیورٹی انتظامات دا وی جائزہ ڳھدا۔ ایں موقع تے وفاقی وزیر کوں امام بارگاہ کاشان عباس دے منتظم سید خرم عباس نقوی سیکورٹی انتظامات بارے بریفنگ ݙتی۔ عطاءاللہ تارڑ انتظامات دی تعریف کیتی اتے اطمینان کیتا۔ ایں موقع تے انہاں آکھیا جو واقعہ کربلا قیامت تئیں حق تے باطل وچال تفریق دا پیمانہ اے۔حق تے باطل دی لڑائی ایں دور اچ وی جاری اے۔ اڄ ایثار تے قربانی دے جذبے کوں ودھاوݨ دی لوڑھ پہلے توں ودھ اے۔

مضمون کا ماخذ : سٹاربرسٹ

متعلقہ مضامین