لاہور اد ساوݨ دی بارش دا 44 سالہ ریکارد ترٹ ڳئے، امدادی کارروائیاں جاری

اسلام آباد۔1اگست(اے پی پی)لاہور اچ ساوݨ دی بارشاں دا 44 سالہ ریکارڈ ترٹ ڳئے اتے ہر پاسو پاݨی ہی پاݨی اے، شہر اچوں پاݨی کݙھݨ کیتے پنجاب حکومت ولوں امدادی کارروائیاں جاری ہین۔ وزیراعلی پنجاب مریم نواز دی ہدایت تے سینئر صوبائی وزیر مریم اورنگزیب اتے چیف سیکرٹری زاہد اختر زمان فیلڈ اچ پڄ ڳئن۔ سینئر صوبائی وزیر اتے چیف سیکرٹری پنجاب قرطبہ چوک، سپریم کورٹ رجسٹری، لکشمی چوک، گلبرگ، بھاٹی چوک، قذافی سٹیڈیم اتے ٻئے علاقیاں دے دورے کیتن اتے نکاسی آب کیتے امدادی کارروائیاں دا جائزہ ڳھدے۔ مختلف علاقیاں اچ واسا، ایل ڈی اے، لاہور ویسٹ مینجمنٹ کمپنی اتے ضلعی انتظامیہ دے ڳانݙھے نال نکاسی آب دے اقدامات کیتے ویندے پن۔ مریم اورنگزیب آکھیا جو وزیراعلیٰ دی ہدایت تے واٹرپمپس اتے ٻئی ضروری مشینری ݙتی ڳئی اے، شہری احتیاط ورتن۔ ہسپتالاں اچ ادویات، زہریلے کیڑیاں دے ݙنڳ دی علاج دی ویکسین فرہم کیتی ڳئی اے۔

مضمون کا ماخذ : بک آف ڈیڈ

متعلقہ مضامین