گوادر علاقائی ترقی دا محور، پاکستان کیتے گیم چینجر اے، پاک چین وزرا اعظم دا نیو گوادر ایئرپورٹ دے ورچوئل افتتاح ویلھے خطاب
Islamabad: October 14, 2024: Prime Minister Muhammad Shehbaz Sharif and Chinese Premier H.E. Li Qiang unveiling a plaque to mark the completion of New Gawadar International Airport.
اسلام آباد۔14اکتوبر(اے پی پی)وزیراعظم محمد شہباز شریف اتے چین دے وزیراعظم لی چیانگ وزیراعظم ہائوس اسلام آباد اچ نیو گوادر ایئرپورٹ دا ورچوئل افتتاح کیتے۔
Prime Minister Muhammad Shehbaz Sharif addressing an MoU signing ceremony between Pakistan and China during visit of Chinese Premier, Islamabad on October 14, 2024.
وزیراعظم محمد شہباز شریف آکھیا جو پاکستان اتے چین وچال صنعت، زراعت و تجارت سودھا مختلف شعبیاں اچ یادداشتاں تے دستخط کیتے گئن، اے ݙوطرفہ معاہدے ݙوہاں دوست ملکاں وچال ہک وناں باب ہین، چینی وزیراعظم دا دورہ فوطرفہ دوستی ودھاوݨ دا ثبوت اے، اساں آپت اچ مفید اتے تعمیری ڳالھ مہاڑ کیتی اے، پاکستان دی ترقی کیتے چین دے تکڑے عزم دے معترف ہیں، صدر شی جن پنگ دا چینی عوام دا گوادر ایئرپورٹ دا تحفہ ݙیوݨ اتے پاکستان دی معاشی ترقی دے ایجنڈے اتے پسماندہ علاقیاں دی ترقی سودھا ٻعے شعبیاں اچ ڳانݙھے تے مشکور ہیں، گوادر ایئرپورٹ نال نہ صرف گوادر ٻھل پورا ملک ترقی کریسی، سی پیک دے تحت اے منصوبہ مکمل کیتے، سی پیک دے ݙوڄھے مرحلے تےعملدرآمد سودھا چین پاکستان دے عوام دی امن و سلامتی کیتے رل تے کم کریساں، گوادر ایئرپورٹ دی تکمیل کیتے چینی و پاکستانی انجینئرز اتے ورکرز دیاں کوششاں نال اے عالمی معیار دا منصوبہ مکمل تھئے پاکستان کیتے چین دا اے تحفہ ہمیشہ یاد رہسی۔
Islamabad: October 14, 2024: Prime Minister Muhammad Shehbaz Sharif and Chinese Premier H.E. Li Qiang unveiling a plaque to mark the completion of New Gawadar International Airport.
چین دے وزیراعظم لی چیانگ آکھیا جو ایئرپورٹ دی تکمیل تے چینی حکومت اتے عوام کوں مبارک ݙینداں، چینی اتے پاکستانی ورکرز منصوبے کوں مکمل کرݨ کتیے ݙینھ رات ہک کیتے، گوادر انٹرنیشنل ایئرپورٹ دی تکمیل اہم سنگ میل اے، گوادر علاقائی ترقی دا محور ہووݨ دے نال نال ݙوہاں ملکاں وچال مضبوط دوستی دا عکاس اے، چین پاکستان دی ترقی کیتے اپݨا کردار ادا کریندا رہسی، پاکستان دے عوام دی خوشحالی ساݙے دل دے ٻہوں نال اے، ویلھا لنڳھݨ نال ساݙی سنگت اتے سٹرٹیجک شراکت داری ٻئی تکڑی تھیسی، مشترکہ مستقبل اتے ترقیاتی اہداف کیتے ساݙا عزم غیر متزلزل اے۔ تقریب نال وفاقی وزیر منصوبہ بندی و ترقی احسن اقبال وی خطاب کیتے۔
