اسلام آباد ۔ 25 مارچ (اے پی پی) وزیر خارجہ شاہ محمود قریشی پاکستان اتے افغانستان سمیت خطے اچ امن و استحکام کیتے اپنڑی سانجھی ذمے واری نبھیندا رہ ویسی ۔اے گال انہاں سنوار کوں پاکستان اتے یورپی یونین وچال سٹریٹجک مذاکرات دے دوران آکھی۔ یورپی یونین دے وفد دی قیادت امور خارجہ سکیورٹی پالیسی دی سربراہ فیڈریکا موگیرینی جڈاں جو پاکستانی وفد دی قیادت وزیر خارجہ مخدوم شاہ محمود قریشی کیتی۔ انہاں مذاکرات اچ کثیر الجہتی ڈو پاسے دے تعلقات ، خطے اچ امن و امان دی صورتحال سمیت اہم علاقائی اتے عالمی امور تے گال مہاڑ کیتی گئی ۔ فریقین پاکستان اتے یورپی یونین وچال موجودہ ڈوپاسے تعلقات دی نوعیت تے اطمینان دا اظہار کیتے ۔فریقین وچال تجارت، سرمایہ کاری، دیرپا ترقی، توانائی دے شعبیں تے ڈو پاسے اسٹریٹجک شراکت داری تے اتفاق کیتا گے ۔ایں موقع تے یورپی یونین دے امور خارجہ دی سربراہ فیڈریکا موگیرینی آکھیے جو پاکستان اچ جمہوری استحکام اتے حکومت دا اصلاحاتی ایجنڈا قابل تحسین اے۔ یورپین یونین ولوںغربت مکاونڑ، صحت، تعلیم، تجارت، توانائی، ماحولیات اتے انسداد دہشت گردی دے شعبیں اچ حکومت پاکستان دے نال تعاون دا عندیہ وی ڈتے۔ وزیر خارجہ مخدوم شاہ محمود قریشی پلوامہ واقعہ دے بعد مقبوضہ جموں و کشمیر اچ بھارت ولوں جاری انسانی حقوق دیاں سنگین خلاف ورزیاں دا یورپی یونین وفد کوں ڈسایا ۔ فیڈریکا موگیرینی آکھیے جو یورپی یونین، افغان عمل امن اچ پاکستان دے موثر کردار کوں قدر دی نگاہ نال ڈیکھدے ۔ مخدوم شاہ محمود قریشی آکھیے جو پاکستان افغانستان سمیت خطے اچ امن و استحکام کیتے اپنڑی سانجھی ذمے واری نبھیندا رہ ویسی ۔
