نیوزی لینڈ کرکٹ ٹیم کوں تڑی دے تانے بانے بھارت نال ملدن ، احسان اللہ احسان نامی نقلی آئی ڈی بھارت توں جنریٹ تھئی ، بھارت جتنی مرضی کوشش کرے، اینکوں ناکامی دا سامݨا کرݨا پوسے ، وفاقی وزیر اطلاعات چوہدری فواد حسین دی پریس کانفرنس
APP52-170821
ISLAMABAD: August 17 - Federal Minister for Information and Broadcasting, Chaudhary Fawad Hussain briefing to media persons about the decisions taken in Federal Cabinet meeting. APP
اسلام آباد۔22ستمبر (اے پی پی):وفاقی وزیر اطلاعات و نشریات چوہدری فواد حسین آکھیے جو نیوزی لینڈ کرکٹ ٹیم کوں تڑی دے تانے بانے بھارت نال ملدن ، احسان اللہ احسان نامی نقلی آئی ڈی بھارت توں نقلی فیس بک اکائونٹ توں نیوزی لینڈ کوں دورہ پاکستان توں روکݨ دی تڑی ݙتی ڳئی ، اے نقلی آئی ڈی بھارت توں جنریٹ تھئی ، سنڈے گارڈین نیوزی لینڈ ٹیم دے دورے دے خلاف تڑی آلا آرٹیکل لکھیا، نیوزی لینڈ دے اوپنر مارٹن گپٹل دی ذال کوں وی تڑی آلی ای میل بھیجی ڳئی، نیوزی لینڈ دی ٹیم کوں جیڑھیاں وی تڑیاں ݙتیاں ڳئن انہاں دا ڳڑھ بھارت ہئی، نیوزی لینڈ دا دورہ منسوخ کراوݨ دا مقصد پاکستان کوں شرمندہ کرݨ ہئی ، بھارت جتنی مرضی کوشش کرگھنے اینکوں ناکامی دا سامݨا کرݨا پمسے ، آئی سی سی نیوزی لینڈ اتے ݙوجھیاں ٹیماں دے دورہ پاکستان دے حوالے نال ملݨ آلیاں تڑیاں دا نوٹس گھنے ، پی سی بی اتے حکومت نیوزی لینڈ دے دورے دی منسوخی تے رد عمل ݙیسن ، سارے بین الاقوامی کرکٹرز دا شکریہ ادا کریندوں جیڑھے اوکھے ویلھے پاکستان دے نال کھڑے تھئن ۔ اے ڳال انہاں ٻدھ کوں وزیر داخلہ شیخ رشید احمد دے رلے پریس کانفرنس توں خطاب کریندے ہوئیں آکھی اے ۔ وفاقی وزیر اطلاعات آکھیے جو پاکستان کوں ففتھ جنریشن ہائبرڈ وار اتے میڈیا وار دا سامݨا اے ، جݙاں تئیں تحریک لبیک دی تحریک چلدی پئی ہئی اینکوں ہندوستان توں سپورٹ ملی، سوشل میڈیا وار فیئر قائم کیتا ڳیا ، ٹویٹس تھئے ، تحریک لبیک اچ لوک آپݨے عقیدے اتے احترام دی وجہ توں رلیے لیکن اے کیڑھے طریقے نال استعمال تھئے ??ین??ا انہاں کوں پتہ وی کائنی لڳیا۔ انہاں آکھیے جو نیوزی لینڈ دی کرکٹ ٹیم دا جݙاں دورہ منسوخ تھیندا پیا ہئی اوں ویلھے ایس سی او دا سربراہی اجلاس جاری ہئی ، وزیراعظم دی تقریر تھیوݨ آلی ہئی ، تقریر توں تقریباً 15 منٹ پہلے میکوں اے سنھیا ملیا جو نیوزی لینڈ دی ٹیم دورہ منسوخ کریندی پئی اے ، وزیر خارجہ شاہ محمود قریشی، قومی سلامتی دے مشیر معید یوسف اتے وزیراعظم دے پرسنل اسٹاف دے نال رل تے اساں مشورہ کیتا تے آکھیا جو اے خبر وزیراعظم کوں انہاں دی تقریر دے بعد ݙتی ویسی تاں جو انہاں دی تقریر اچ کہیں قسم دا کوئی خلل نہ آوے ، ??ین??ے توں اندازہ لاتا ونڄ سڳدے جو اے صورتحال پاکستان اتے ??ین??ے عوام سانڳے کتنی اوکھی ہئی ، نیوزی لینڈ دا دورہ منسوخ تھیوݨ توں پاکستان دے لوکاں اچ کاوڑ آئی ، ٻہوں سارے لوک کاوڑ اچ ہن ۔ وفاقی وزیر اطلاعات دورہ منسوخی دے حوالے نال کچھ حقائق پیش کریندے ہوئیں آکھیے جو 19 اگست 2021ءکوں احسان اللہ احسان دے ناں توں ھک نقلی فیس بک آئی ڈی بݨائی ڳئی جیں توں ھک فیس بک پوسٹ کیتی ڳئی جیں اچ آکھیا ڳئے جو ”نیوزی لینڈ کرکٹ بورڈ اتے نیوزی لینڈ دی حکومت کرکٹ ٹیم کوں پاکستان نہ بھیجے، کیوں جو سک??ورٹی صورتحال پاکستان اچ چنڳی کائنی ۔ جیویں اساکوں پتہ اے جو عالمی جہادی تنظیم آئی ایس (داعش) پاکستان اچ وݙے ٹارگٹ دی ڳول وچ ہے لہذا اے ٹارگٹ نیوزی لینڈ دی کرکٹ ٹیم وی تھی سڳدے ، او اپݨی موجودگی ظاہر کرݨ تے میڈیا دی توجہ حاصل کرݨ کیتے ایجھا قدم چا سڳدی اے میں ڄاݨدا جو جہادی تنظیم آئی ایس اس پوسٹ دے بعد میکوں ناراض تھیسی لیکن میکوں کرکٹ پسند اے تے میں کھیل دے حق اچ کائنی ، میں جو آکھݨا ہئی آکھ ݙتے ہݨ اے نیوزی لینڈ کرکٹ ٹیم دا کم اے تے نیوزی لینڈ دی حکومت کوں سنجیدگی نال سوچݨا چاہیدے ۔ احسان اللہ احسان، سابق ترجمان ٹی ٹی پی۔“ وفاقی وزیر اطلاعات ݙسایا جو پہلی پوسٹ 19 اگست 2021ءکوں فیس بک تے آئی، ??ین??ے بعد 21 اگست 2021ءکوں بھارتی اخبار سنڈے گارڈین دے بیورو چیف ابی نندن مشرا ھک آرٹیکل شائع کیتا جیں اچ آکھیا ڳئے جو نیوزی لینڈ کرکٹ ٹیم کوں پاکستان اچ دہشت گرد حملے دا سامݨا کرݨا پئے سڳدے ۔ اے آرٹیکل احسان اللہ احسان دی فیک پوسٹ دی بنیاد تے لکھیا ڳئے ۔ وفاقی وزیر اطلاعات آکھیے جو 19 اگست کوں پوسٹ آندی اے ، 21 اگست کوں ہندوستان اچ آرٹیکل لکھیا ویندے جو نیوزی لینڈ دی کرکٹ ٹیم کوں خطرے دا سامݨِا اے، 24 اگست 2021ءکوں نیوزی لینڈ دے اوپنر مارٹن گپٹل دی ذال کوں تحریک لبیک دی ھک ای میل آئی ڈی توں تڑی بھیجی ویندی اے جیں اچ آکھیا ویندے جو مارٹن گپٹل کوں پاکستان اچ قتل کر ݙتا ویسی ۔وفاقی وزیر اطلاعات آکھیے جو او سارے ایں صورتحال اچ انہاں سارے کرکٹرز دا شکریہ ادا کریندن جیڑھے جو پاکستان دے رلے کھڑے تھئن ۔ پوری دنیا توں کرکٹ نال محبت کرݨ آلے لوکاں پاکستان کرکٹ بورڈ اتے حکومت کیتے نیک خواہشات دا اظہار کیتے ۔ انہاں آکھیے جو ایجھے تھریٹس آندے رہندن ، انہاں کوں پہلے وی ناکام بݨایا ڳئے ، بھارت جتنی مرضی فنڈنگ کرگھنے، اینکوں ناکامی دا سامݨا کرݨا پمسے ۔
