اسلام آباد ۔ 25 فروری (اے پی پی) وفاقی وزیر اطلاعات تے نشریات چوہدری فواد حسین آکھیا جو اسلام آبا ہائیکورٹ نواز شریف دی طبی بنیاداں تے ضمانت دی درخواست تے صحیح قانونی فیصلہ ڈتے،کئی ڈہاکیاں توں اقتدار اچ رہنڑ آلے آکھدن جو اساڈے علاج پاکستان دی ہسپتالاں اچ کائنی اتے باہرلے ملکوں کرایا ونجے،اے صرف پاکستان دا وزیراعظم بنڑنڑ چاہندن،عدالتی فیصلے دے بعد ڈیل یا ڈھیل دا اثر وی زائل تھی گئے ،میڈی وزارت دی تبدیلی دی خبراں نال ساریاں توں ودھ خوشی مسلم لیگ ن آلیاں کوں اے،میں وزیراطلاعات رہاں یا نہ پر میڈی رفتار اتے احتساب دا عمل اینویں جاری رہسی،میکوں جیڑھی عزت ملی اے او وزیراعظم عمران خان پاروں اے،وزیراعظم جینویں آکھسن میں اونویں کریساں،نیب قوانین اچ ترمیم دا مقصد چوراں کوں کلین چٹ ڈیونڑ نی جڈانجو نیب کوں بیا فعال اتے مستحکم بنڑاونڑ اے،بھارت کوں پیش کش کریندوں جو او کشمیر دے مسئلے دے حل نال ہک قدم ودھاوے پاکستان ڈو قدم ودھیسی،کشمیر بھارت دا حصہ کائنا ہئی اتے نہ بنڑ سگدے،امت مسلمہ اقوام متحدہ آلے پاسے ڈیکھدی پی اے جو کڈاں یو این او کشمیر دے اتے فلسطین دے مسئلے دے حل سانگے عملی کم کریندی اے۔او سنوار کوں اتھاں پاکستان ہاﺅس پاروں انٹرنیشنل کانفرنس توں خطاب اتے صحافیاں نال گالھ مہاڑ کریندے پے ہن ۔انہاں آکھیا جو سندھ دے ہسپتال خورشید شاہ دے یاراں اتے امیراں سانگے فائیو سٹار ہوٹل اتے غریباں سانگے دوزخ ہن ،سندھ دے شہری سرکاری ہسپتالاں اچ ونجنڑ توں چنگا اے جو او گھر اچ ٹیکہ لوا گھنن۔صدر آزادوجموں کشمیر مسعود خان ،ناروے دے سابق وزیر اعظم کیجل میگنی بونڈایوک ،آل پارٹیز حریت کانفرنس دے کنوونیئر عبداللہ گیلانی ،حریت راہنما یاسین ملک دی اہلیہ مشعال ملک ،پاکستان ہاﺅس دے ڈی جی اطہر جاوید ،پاکستان ہاﺅس دے بورڈ آف ڈائریکٹرز دے چیئرمین سابق چیئرمین جوائنٹ چیفس آف سٹاف کمیٹی جنرل (ر) احسان الحق وی خطاب کیتا۔
.jpg)
