اسلام آباد ۔ 28 نومبر (اے پی پی) وزارت خارجہ اچ افریقی ملکاں دے سفیراں دی کانفرنس دے ڈوجھے ڈینھ دا ڈوجھا سیشن خمیس کوں وزیر خارجہ مخدوم شاہ محمود قریشی دی زیر صدارت منعقد تھیا۔ اجلاس اچ ایکسپورٹس توں وابستہ، ٹیکسٹائل، انجینئرنگ، سپورٹس، فارماسیٹیکل سیکٹر سمیت پرائیویٹ سیکٹر متعلق اہم شخصیات اپنڑے اپنڑے سیکٹر متعلق ایکسپورٹ کیتے دستیاب مصنوعات اتے درپیش مسلیں تے چیلنجز نال شرکا کوں ڈسایا گیا۔چیئرمین ٹریڈ ڈویلمنٹ اتھارٹی “ایکسپورٹ دی شرح ودھاونڑ کیتے ایکسپورٹ انڈسٹری کو اپنڑے ہر ممکن تعاون دا یقین ڈیوایا ۔اجلاس اچ افریقی ملکاں اچ تعینات پاکستانی سفیر دے علاوہ کارپوریٹ سیکٹر دے مختلف شعبہ جات نال جڑیاں شخصیات افریقی ملکاں اچ تجارت ودھاونڑ کیتے مختلف تجویزاں پیش کیتیاں ۔۔ چیف ایگزیکٹو ملت ٹریکٹرز وزیر خارجہ اتے وزیر تجارت دا شکریہ ادا کریندے ہوئیں افریقی ملکاں کوں ملت ٹریکٹر دی سالانہ ایکسپورٹ تے افریقی ملکاں اچ زرعی آلات دی برآمدات دے حجم اچ ودھارے کیتے مختلف تجویزاں ڈتیاں ۔ مراکش اچ تعینات پاکستانی سفیر پیشکش کیتی جو اگر فارماسیٹیکل انڈسٹری، سپورٹس انڈسٹری، ٹیکسٹائل انڈسٹری اگر اپنڑے طور تے وی مراکش اچ اپنڑی مصنوعات دی نمائش کرنڑ چاہن تاں سفات کانہ انہاں کوں نمائش کیتے جاہ فری آف کاسٹ ڈیسی ۔ایں موقع تے وزیر خارجہ شاہ محمود قریشی آکھیا جو افریقی ملکاں نال رابطے دے ودھارے کیتے وفداں دے تبادلے تے بین الاقوامی نمائشاں اچ پاکستان دی بھوپور شرکت کروں یقینی بنڑیسن ۔انہاں آکھیا جو فارماسیوٹیکل انڈسٹری کوں اپنڑی مصنوعات کوں ڈبلیو ایچ او ولوں ڈتے گے معیار دے مطابق بنڑاونڑں ہوسی تاںجو انہاں مصنوعات دی برآمدات کوں ودھایا ونج سگے ۔وزیر خارجہ سارے شرکا دی شرکت تے انہاں ولوں قیمتی تجویز ڈیونڑ تے انہاں دا شکریہ ادا کیتے ۔
