کوئٹہ۔ 14 اگست (اے پی پی) نائب وزیر اعظم و وزیر خارجہ محمد اسحاق ڈار آکھیا جو وزیر اعظم محمد شہبازشریف دی قیادت اچ پاکستان جی 20 اچ رَلݨ دا پندھ جاری اے، اینکوں اسلامی ملکاں دا قلعہ ٻݨیسوں۔قائداعظم محمد علی جناح اتے علامہ محمد اقبال دے خواب کوں پورا کر تے عملی جامہ پویسوں، وطن عزیز اچ تشدد دی کوئی گنجائش نی اتے نہ ناراض لوکاں دی تھیوری کوئی معنی رکھیندی اے، اے ڳالھیں انہاں بلوچستان اسمبلی اچ پرچم کشائی دی تقریب توں خطاب کریندیں ہوئیں آکھی جئیں اچ سپیکر قومی اسمبلی سردار ایاز صادق، وزیر اعلیٰ بلوچستان میر سرفراز بگٹی، وفاقی وزیر تجارت جام کمال خان، سپیکر بلوچستان اسمبلی کیپٹن(ر)عبدالخالق اچکزئی، صوبائی وزرا، مشیر، پارلیمانی سیکرٹریز بخت محمد کاکڑ، میر سلیم کھوسہ، میر صادق عمرانی،میر عاصم کرد گیلو، راحیلہ حمید درانی، میر علی مدد جتک، حاجی نور محمد دمڑ، اسفند یار کاکڑ، میر علی حسن زہری، چیف سیکرٹری بلوچستان شکیل قادر اتے آئی جی پولیس عبدالخالق شیخ سودھے صوبائی سیکرٹریز اتے ٻئے شریک تھیے۔ تقریب توں خطاب کریندیں ہوئیں نائب وزیر اعظم محمد اسحاق ڈار آکھیا جو میں آپݨی، وزیر اعظم محمد شہباز شریف اتے صدر پاکستان آصف علی زرداری ولوں اہل بلوچستان تے پاکستان کوں جشن آزادی دی مبارک ݙینداں۔ میݙی ساریاں توں درخواست اے جو آؤ سارے رَل تے پاکستان کوں اوں ڄاہ پڄاؤں جیندا خواب خواب قائد اعظم محمد علی جناح اتے علامہ محمد اقبال ݙٹھا ہئی۔ لوک آکھدن جو پاکستان تے 130 ارب ڈالر دا قرضہ اے، میں آکھداں جو اللہ تعالیٰ پاکستان کوں ݙا ہزار ارب ڈالر توں ودھ دے معدنیات ݙتن۔ نائب وزیر اعظم آکھیا جو ست سال پہلے دنیا دی 24ویں معیشت ٻݨݨ آلا ملک اڄ 47 ویں نمبر تے پڄ ڳئے پر اساں نا امید کائنی کیونجو اساکوں اللہ تعالیٰ تے بھروسہ اے۔ انہاں آکھیاجو بلوچستان کوں اللہ تعالیٰ ٻہوں نوازیے، اساکوں او حاصل کرݨے جو اللہ پاک اساݙے نصیب اچ لکھیے۔ انہاں آکھیا جو وزیر اعظم محمد شہبازشریف دی قیادت اچ پاکستان جی 20 اچ رَلݨ دا پندھ جاری اے، اینکوں اسلامی ملکاں دا قلعہ ٻݨیسوں۔
.jpg)
