اسلام آباد۔31مارچ (اے پی پی) وزیر اعظم عمران خان وݙی معیشتاں آلے ملکاں توں موسمیاتی تبدیلی دے چیلنج دا مقابلہ کرݨ آلے پاکستان اتے ٻئے ترقی پذیر ملکاں سانڳے ہک جامع سوچ کوں اپناوݨ اتے مالی اعانت دا مطالبہ کیتے۔ توقع کریندوں جو دنیا دی وݙی معیشتاں سانڳے اے ہک ایجھا لمحہ ہوسی جو او پاکستان جیھے ذمہ وار ملک سانڳے مالی اعانت سانڳے اڳوں امسن جیڑھے جو اخراج کوں گھٹ کرݨ دی آپݨی پوری کوشش کریندے پئن۔ پاکستان ایں معاہدے سانڳے لڑسی جیڑھا جو آپݨے شہریاں اتے دنیا سانڳے آب و ہوا توں محفوظ مستقبل ݙٰیسین۔وزیراعظم آفس دے میڈیا ونگ توں جاری بیان دے مطابق برطانوی روزنامہ دی ٹائمز اچ چھپݨ آلے آپݨے مضمون اچ وزیراعظم ایں ڳالھ دا تذکرہ کیتا جو عالمی آب و ہوا دے رسک انڈیکس گزریل ݙھاکیاں وچ مسلسل آب و ہوا دے اثرات کوں پاکستان سانڳے اٹھویں شدید ترین خطرہ قرار ݙتے۔ انہاں لکھیا جو 2000ء دے بعد آب و ہوا دی تبدیلی پاروں پاکستان اچ 9989 جاناں ضائع تھین، ترائے ارب 80 کروڑ ڈالر دا معاشی ضیان تھیے اتے 152 موسمی شید واقعات تھین۔ وزیراعظم آکھیا جو موسمیاتی تبدیلی کوں اپناوݨ ہک چیلنج رہیے جئیں نال ابتدائی وارننگ نظام اچ سرمایہ کاری کرݨ تے مجبور کرݨ، سیلاب توں متاثرہ انفراسٹرکچر دی آب و ہوا دے بچائو ، ملک تے محیط ڈیزاسٹر مینجمنٹ نیٹ ورکس بݨاوݨ اتے مقامی کمیونٹیز نال رل تے کم کرݨ اے۔ انہاں آکھیا جو پاکستان موسمیاتی تبدیلی دے خرچے پہلے توں ای سالانہ وفاقی بجٹ دے چھی فیصد دے نیڑے ہن جیڑھے جو خطرناک حد تئیں امدے پئن۔ انہاں آکھیا جو ودھدے ہوئے اثرات نال سالانہ اساݙی مالی لوڑھ دا تخمینہ ست توں 14 بلین ڈالر لاتا ڳئے۔
