اسلام آباد۔22جون (اے پی پی) وفاقی وزیر اطلاعات تے نشریات مریم اورنگزیب آکھیا جو حکومت پیمرا قوانین اچ ترمیم کریندی پئی اے، سابق دور اچ صحافیاں تے تشدد دے واقعے تھیے، اساݙے دور اچ کوئی ایجھا واقعہ نی تھیا۔ 2019ء اچ سپریم کورٹ دے فیصلے دے بعد چینلز دی درجہ بندی کیتی ڳئی اے، سابق دور اچ میڈیا ہائوسز کوں جاری تھیوݨ آلے اشتہارات کوں صحافیاں دی تنخواہیں نی جوڑیا ڳیا، پچھلے دور اچ صحافیاں کوں اغواء اتے انہاں تے تشدد دے واقعے تھیے۔ صحافیاں دے خلاف ایف آئی آرز تے متعلقہ آئی جیز کوں سݙ تے انہاں داموقف سݨیا ویسی۔ اے ڳالھیں انہاں بدھ کوں سینیٹ دی قائمہ کمیٹی برائے اطلاعات تے نشریات دے اجلاس اچ ڳالھ مہاڑ کریندیں ہوئیں آکھی۔کمیٹی دے اجلاس دی صدارت سینیٹر فیصل جاوید کیتی جڈانجو اجلاس اچ کمیٹی دے ٻئے ارکان موجود ہن۔ ایں موقع تے ڳالھ کریندیں ہوئیں وفاقی وزیراطلاعات آکھیا جو پیمرا بارے ترمیم اچ جوائنت ایکشن کمیٹی نال ڳالھ تھیندی پئی اے۔ اساں جوائنٹ ایکشن کمیٹی دے مشورے نال ترمیم ڳھدی امدوں۔ جیڑھی وی ترمیم تھیسی او سارے اسٹیک ہولڈرز دے مشور نال تھیسی۔ ورکرز دی تنخواہیں اتے کنڑیکٹ بارے قانون امدا پئے۔ انہاں آکھیا جو 2019ء اچ سپریم کورٹ دے فیصلے دے بعد چیلنجز دی درجہ بندی کیتی ڳئی اے۔ ایں توں پہلے اے، بی اتے تھری کیٹیگری دے لحاظ نال اشتہارات جاری کیتے ویندے ہن۔ اجلاس اچ کمیٹی دے ارکان دے علاوہ وفاقی وزیر اطلاعات مریم اورنگزیب، وفاقی سیکریٹری اطلاعات شاہیرہ شاہد، پرنسپل انفارمیشن آفیسر سید مبشر حسن اتے وزارت اطلاعات دے بئے اعلیٰ حکام شریک تھیے۔
