نینگر ساݙا مستقبل ہن ، ملک دی ترقی و خوشحالی دی کنجی انہاں دے ہتھ اچ اے ، وزیراعظم شہباز شریف دا بہاؤ الدین زکریا یونیورسٹی اچ تقریب توں خطاب
Prime Minister Muhammad Shehbaz Sharif addressing the PM's Youth Laptop and Youth Loans Scheme distribution ceremony at Bahauddin Zakaria University Multan on 13th of July, 2023.
ملتان۔13جولائی (اے پ?? پی):وزیراعظم محمد شہبا?? شریف آکھیے نینگر ساݙا مستقبل ہن ، ملک دی ترقی و خوشحالی دی کنجی انہاں دے ہتھ اچ اے ، ماضی دیاں غلطیاں توں سبق سکھ تے اڳوں ودھݨا ہوسی ، اڳوں حکومت ملی تاں لکھ لکھ نی ،50 لکھ لیپ ٹاپ ونڈیساں ، سابق حکومت وݙے صنعتکاراں اچ 3 ارب ڈالر ونڈیے ، اے رقم تعلیم تے خرچ تھیندی تاں اڄ پاکستان کوں آئی ایم ایف کنے نہ ونڄݨا پوندا ، ݙینھ رات محنت نال قرضے گھنݨ آلی نی ݙیوݨ آلی قوم بݨسوں ، اے ڳالھ انہاں بہاؤ الدین زکریا یونیورسٹی اچ جنوبی پنجاب توں تعلق رکھݨ آلے باصلاحیت نینگراں اچ وزیرِ اعظم یوتھ لون سکیم دے تحت چیک اتے لیپ ٹاپ تقسیم کرݨ دی تقریب توں خطاب کریندے ہوئیں آکھی ، ایں موقع تے وفاقی وزیر اطلاعات و نشریات مریم اورنگزیب، گورنر پنجاب انجینئر بلیغ الرحمن، نگران وزیراعلیٰ پنجاب محسن نقوی تے وزیراعظم دی معاون خصوصی امور نوجوانان شزہ فاطمہ ، وزیراعظم دے معاون خصوصی عطاتارڑ دے علاوہ استاداں تے طلبا و طالبات دی وݙی تعداد موجود ہئی ۔وزیراعظم آکھیے ایں یونیورسٹی اچ انہاں میرٹ تے پ??لے وی طلبا و طالبات کوں لیپ ٹاپ ݙتے ہن تے اڄ ول انہاں کوں اے موقع ملیے جو او اتھاں دے ہونہار طلباو طالبات اچ لیپ ٹاپ ݙیواں۔ وزیراعظم طلباو طالبات تے زور ݙتے جو او محنت تے لگن نال تعلیم حاصل کرن تاں کہیں سفار ش اتے رشوت دی لوڑھ کائنی، اڄ ایں تقریب اچ ھک والد دی شفقت توں محروم ٻالڑی دی داستان سݨ تے انہاں کوں وݙی خوشی تھئی اے جو جیں صرف محنت نال کامیابی حاصل کیتی۔ وزیراعظم آکھیے رشوت ، سفارش اتے اقربا پروری توں قوماں تباہ تھی ویندن ، جیڑھیاں قوماں ماضی دیاں غلطیاں توں سبق گھن تے اڳوں ودھدن انہاں قوماں دی ترقی دا رستہ کوئی نی روک سڳدا ، نینگر ساݙا مستقبل ہن ۔ ملک دی ترقی تے کامیابی دی کنجی انہاں دے ہتھ اچ اے ۔ ھک لکھ لیپ ٹاپ دی تقسیم اٹے اچ لوݨ برابر وی کائنی جے وسائل ہوون تاں میں ھک لکھ نی ھک کروڑ لیپ ٹاپ ونڈان ، انہاں آکھیے کل اسلام آباد اچ انہاں پاکستان انڈوومنٹ فنڈ دا اجرا کیتے۔اے پروگرام اساں پنجاب اچ شروع کیتا ہئی جݙاں میں خادم پنجاب ہامی۔ ایں پروگرام توں لکھاں طلبا وطالبات کوں 22 ارب روپے دے وطائف ݙتے ڳئن ۔اے وظائف گھنݨ آلے طالبیں اچوں کئی یورپ دیاں درسگاہواں اچ وی اعلیٰ تعلیم کیتے ڳئن ۔ انہاں آکھیے اڄ ھک نینگر میکوں ݙسائے جو او تے ایندا والد ݙوہیں مزدوری کریندن ، ٻہوں سارے طالب ایہوجے ہن جیڑھے والدین توں محروم ہن، انہاں سودھے سارے ٻال ریاست دی ذمے واری ہن تقریب اچ پنجاب پولیس دے چاق و چوبند دستے طلبا و طالبات کوں گارڈ آف آنر وی پیش کیتا۔تقریب اچ یونیورسٹی طالبہ فضہ نعیم ݙسائے جو میݙے والد ایں دنیا اچ کائن ، میں ایف ایس سی وی سکالرشپ تے کیتی تے یونیورسٹی اچ وی میرٹ تے سکالرشپ ڳھدی ۔ میݙی کوئی سفارش کائناں ہئی ۔وزیراعظم آپݨی سیٹ توں اٹھی تے طالبہ کوں شاباش ݙتی ۔ ایں موقع تے وزیراعظم جنوبی پنجاب دی مختلف یونیورسٹیاں توں تعلق رکھݨ آلے ہونہار طالبیں کوں لیپ ٹاپ ݙتے ۔ وزیراعظم نے وزیراعظم یوتھ لون پروگرام دے تحت نینگراں کوں قرضے دے چیک وی ݙتے۔
