گرین لائن ٹرین کوں کل جمعے توں پاکستان ریلوے دی پریمیم ایکسپریس دے طور چلایا ویسی، ترجمان

لاہور۔26جنوری (اے پی پی) چھل پاروں بند کیتی ڳئی گرین لائن ٹرین کوں کل جمعے توں پاکستان ریلوے دی پریمیم ایکسپریس دے طور چلایا ویسی۔ ریلوے دی ترجمان موجب وفاقی وزیر خواجہ سعد رفیق دی ہدایت تے گرین لائن اچ فائیو سٹار ہوٹل ولوں، ناشتہ، لنچ،ہائی ٹی اتے ڈںر ٹکٹ دے نرخ اچ ݙتا ویسی۔ ایں توں اںج اعلیٰ معیار دی بیڈنگ، یوٹیلیٹی کٹس اتے ہائوس کیپنگ دا وی انتظام کیتا ڳے۔ ریلوے ترجمان موجب ہائی پروفائل ٹرین مارگلہ اسٹیشن توں کراچی تئیں چلݨ آلی ٹرین استے اچ راولپنڈی، چکلالہ، لاہور، خانیوال، بہاولپور، روہڑی، حیدرآباد اتے ڈرگ روڈ تے رُکسی۔ ایں ٹرین کوں چین توں آوݨ آلی نویں کوچز نال چلایا ویسی۔ گرین لائن دا ٹرن اراؤنڈ 22 گھنٹے رکھیا ڳے جیڑھا ویلھے نال ڳھٹ کیتا ویسی۔ گرین لائن کراچی توں رات 10 وڄے چلسی اتے اگلی ݙوپہر 2:15 تے لاہور سٹاپ کریسی اتے رات 8:15 مارگلہ اسٹیشن پڄسی۔

مضمون کا ماخذ : estratégias para lotomania

متعلقہ مضامین