اسلام آباد۔8مئی (اے پی پی) بینظیر انکم سپورٹ پروگرام (بی آئی ایس پی) ولوں پہلی سالانہ قومی سماجی تحفظ کانفرنس تھئی ۔ اے ترائے ݙینھ دی کانفرنس جرمن تنظیم گیز ( GIZ) دے تعاون نال مری اچ 8 توں 10 مئی 2023 تئیں تھیندی پی اے۔ کانفرنس دے افتتاحی اجلاس دی صدارت وفاقی وزیر برائے تخفیف غربت تے سماجی تحفظ/ چیئرپرسن بینظیر انکم سپورٹ پروگرام شازیہ مری کیتی۔ کانفرنس اچ سماجی تحفظ دے ماہرین، بین الاقوامی تنظیماں دے نمائندے اتے ٻے سٹیک ہولڈرز کوں پاکستان اچ سماجی تحفظ دے مختلف اقدامات اتے پروگراماں تے ڳالھ مہاڑ کرݨ کیتے سݙیا ڳیا ہئی۔ عالمی بینک دے نمائندہ اتے جرمن سفیر وی ویڈیو لنک توں کانفرنس توں خطاب کیتا۔ افتتاحی سیشن اچ شازیہ مری پاکستان اچ پسماندہ ٹٻراں کوں مالی امداد ݙیوݨ اچ بینظیر انکم سپورٹ پروگرام دی اہمیت تے روشنی پاتی۔ انہاں ݙسیا جو بینظیر انکم سپورٹ پروگرام غریب ٹٻراں توں تعلق رکھݨ آلے شیر خوار ٻالاں اتے انہاں دی میریں دی چنڳی خوراک اتے غذائیت دی ڳھٹکی کوں پورا کرݨ کیتے تعاون کریندا پے۔ اے پروگرام ضرورت مند ٻالاں کوں تعلیمی وظیفے وی ݙیندا پے۔ شازیہ مری عالمی بینک،جرمن ادارہ جی آئی زیڈ، اے ڈی بی، یونیسیف اتے ٻے معاون اداریاں دی مالی تے تکنیکی تعاون کیتے انہاں دا شکریہ ادا کیتا۔
.jpg)
