ایسوسی ایٹڈ پریس آف پاکستان کوں مالیاتی لحاظ نال مضبوط اتے مستحکم ادارہ بنڑاونڑ سانگے جامع پلان بنڑا یا ونجے وفاقی وزیر اطلاعات و نشریات چوہدری فواد حسین دی اے پی پی ہیڈکوارٹر اسلام آباد اچ بریفنگ دے موقع تے ہدایت
APP03-24
ISLAMABAD: September 24 Federal Minister for Information and Broadcasting, Chaudhry Fawad Hussain is being briefed by Managing Director APP, Masood Malik during his visit to APP Headquarters. APP photo by Irfan Mahmood
اسلام آباد ۔ 24 ستمبر (اے پی پی) و فاقی وزیر اطلاعات ونشریات چوہدری فواد حسین ایسوسی ایٹڈ پریس آف پاکستان (اے پی پی) کوں مالیاتی لحاظ نال مضبوط اتے مستحکم ادارہ بنڑاونڑ سانگے جامع پلان تشکیل ڈیونڑ تے ادارے دی آمدنی اتے خرچے اچ فرق کوں گھٹ توں گھٹ کرنڑ سانگے اقدامات دی ہدایت کیتی ہے۔ او اپنڑی وزارت دا قلمدان سنبھالنڑ دے بعد اسلام آباد اچ اے پی پی ہیڈکوارٹر دے اپنڑے پہلے دورے دے موقع تے گال مہاڑ کریندے پے ہن۔ انہاں آکھیا ادارے دی کارکردگی بہتربنڑاونڑ سانگے انسانی وسائل کوں بہتر انداز اچ بروئے کار لاتا ونجے ۔انہاں آکھیا باہرلے اچ تعینات اے پی پی دے نمائندگان دی استعداد کار اچ ودھارے سانگے انہاں دی تربیت دا اہتمام کیتا ونجے تے متعلقہ ملکاں دی زبان اچ کورس کرائے ونجن ۔انہاں آکھیا اے پی پی پوری دنیا اچ پاکستان دا مثبت تشخص اجاگر کرنڑ تے خبراں دی ترسیل سانگے بھر پور کردار ادا کرے ،ادارے کوں باہرلے ملک مشن اچ تعینات اپنڑے پریس اتاشیاں نال رابطے کوں وی بہتر بنڑاونڑاں چاہیدے ۔ایندے توں پہلے اے پی پی دے منیجنگ ڈائریکٹر محمد مسعود ملک ادارے دے کم، ایندی سروسز اتے دنیا دیاں مختلف نیوز ایجنسیاں دے نال خبریں دے تبادلے دے معاہدیں بارے جامع بریفنگ ڈتی۔ پریزنٹیشن دے بعد وفاقی وزیر اے پی پی کوں ضروری آلات فراہم کرنڑ دیاں ہدایات جاری کیتیاں ۔ انہاں مزید آکھیا جو پوری دنیا اچ پاکستان دا تشخص مزید بہتر بنڑاونڑ سانگے ادارے دے نیٹ ورک کوں ووھاونڑ سانگے اقدامات کیتے ونجنڑیں چاہیدن ۔
