نارووال سپورٹس سٹی منصوبہ دی کل لاگت 2.9ارب روپے ہئی ،مئی 2018 تئیں 2.2 ارب خرچ تھی ڳئن،احسن اقبال

اسلام آباد۔4اکتوبر (اے پی پی) وفاقی وزیر برائے منصوبہ بندی، ترقی، اصلاحات تے خصوصی اقدامات احسن اقبال آکھیا جو نارووال سپورٹس سٹی منصوبہ دی کل لاگت 2.9ارب روپے ہئی ،مئی 2018 تئیں 2.2 ارب خرچ تھی ڳئن۔ نیب کیس پاروں منصوبے تے 2018 اچ کم رُک ڳیا ہئی۔ اے ڳالھیں انہاں آپݨی صدارت اچ نارووال سپورٹس سٹی منصوبہ دا جائزہ اجلاس اچ ڳالھ مہاڑ کریندیں ہوئین آکھی۔ اجلاس اچ وزارت بین الصوبائی رابطہ، سپورٹس بورڈ دے حکام اتے کنسلٹنٹس شریک تھیے۔ اجلاس اچ وفاقی وزیر آکھیا جو نارووال سپورٹس سٹی منصوبہ دی کل لاگت 2.9ارب روپے ہئی ،مئی 2018 تئیں 2.2 ارب خرچ تھی ڳئن۔انہاں آکھیا جو نیسپاک رپورٹ پیش کیتی اے جو بقایا 78 کروڑ دی بجائے منصوبے کوں پورا کرݨ کیتے ہݨ 2.9 ارب روپے چاہیدے ہوسن۔ دیر تھیوݨ پاروں کنٹریکٹر کلیمز اتے نرخاں اچ ودھارے پاروں منصوبے تے 2.2 ارب روپےودھ خرچ تھیسن۔ احسن اقبال آکھیا جو اے ودھ رقم عمران نیازی اتے سابق چیئرمین نیب جاوید اقبال توں وصول کیتی ونڄے۔

مضمون کا ماخذ : Loteria Instantânea

متعلقہ مضامین