وزیراعظم عمران خان دے زیر صدارت وفاقی کابینہ دا اجلاس؛دشمن کوں چین نال تعلقات پُڈدے پین،،وزیراعظم عمران خان
APP57-23
ISLAMABAD: November 23 - Prime Minister Imran Khan chairing a meeting of the Federal Cabinet at PM Office. APP
اسلام آباد ۔ 23 نومبر (اے پی پی) وزیر اعظم عمران خان ملک کوں غیر مستحکم کرنڑ آلیاں قوتاں دے عزائم مٹی اچ ملاونڑ دا عزم دوہریندے ہوئے آکھیا جو وزیراعظم عمران خان دے زیر صدارت وفاقی کابینہ دا اجلاس؛دشمن کوں چین نال تعلقات پُڈدے پین،ملک کوں انتشار پھیلا تے غیر مستحکم کرنڑ اتے دہشتگرداں کوں ملنڑ آلی بیرونی امداددا رستہ روکنڑ کیتے سارے وسائل لیسوں، دہشتگرداں کوں پوری قوت نال لتاڑیا ویسی۔اے گالھ انہاں اسلام آباد اچ وفاقی کابینہ دے اجلاس اچ صدارت کریندے آکھی۔وزیر اعظم کراچی اچ چینی قونصل خانے دے باہرو اتے اورکزئی ایجنسی اچ دہشت گردی دیاںکارروائیاں بارے آکھیے جو ساکوں پہلے ہی خدشہ ہا جو اینجھاں کارروائیاں تھیسن بھل اے پتا کائنا ہا جو اے کارروائیاں کتھاں تھیونڑن۔انہاںا ٓکھیا جو چین نال پاکستان دے تعلقات ، تازہ معاہدے اتے تعاون دشمن کوں پُڈدے پین اتے او سازشاں اچ مصروف اے بھل اساں کہیں قسم دی سازش کامیاب نہ تھیونڑ ڈیسوں۔ انہاںا ٓکھیا جوجیویں جیویں ساڈی معیشت مستحکم تھیندی پئی اے سازشاں وی ودھدیاں پین، چین نال معاہدے بہوں اہم اتے خفیہ ہین جیندی تفصیل کہیں وڈی وجہ توں عوام کوں نسے ڈے سگدے،آزادرائے رکھنڑ آلے جانڑدن جو اے معاہدے کتنے وڈے ہین جیہڑے پہلے کہیں بئے ملک نال نئیں کیتے گئے تہوں اے کارروائیاں دورہ چین دا رد عمل ہین۔وزیراعظم دہشتگرداں کوں روکنڑ اتے ناپاک عزئم مٹی اچ ملاونڑ آلے شہید اہلکاراں،سیکیورٹی فورسزدی جرات دی تعریف کیتی ۔ انہاں آکھیے جیکر دہشتگرد قونصل خانے اچ وڑ ویندے تاں بہوں وڈا نقصان تھیوے ہا۔اللہ دا شکراے جو ساڈی انٹیلی جنس اتے سکیورٹی فورسز انسداد دہشت گردی دی جنگ کامیابی نال لڑی اے، بہوں بے مثال قربانیاں ڈتن،کہیں بئے ملک اینجھاں کامیابیاں نئیں حاصل کر سگیے۔وزیراعظم آکھیا جو اورکزئی ایجنسی اچ دہشت گردی دا وڈا منصوبہ ہا،جیہڑی ڈیوائس رکھی گئی ہئی اوندا مقصد صرف انتشار پھیلاونڑ ہا۔
