جنیوا ۔ 17 دسمبر (اے پی پی) وزیراعظم عمران خان ’ اقوام متحدہ اتے عالمی برادری توں مقبوضہ کشمیر دی صورتحال اتے بھارت اچ متنازعہ شہریت بل دی منظوری دا نوٹس گھنڑ دی اپیل کریندیں ہوئیں آکھیا جو دنیا بجھ گھنے جو بھارت اچ پنازہ گزیناں دا ہک وڈا بحران امدا پے،پنج اگست توں مقبوضہ کشمیر دے 80لکھ عوام محصور اے،جانڑ بجھ کراہیں مسلم اکثریت کوں اقلیت اچ بدلنڑ دی کوشش کیتی ویندی پی اے،ساکوں ڈر اے جو مسئلہ کشمیر تے توجہ نہ ڈتی گئی تاں ڈو ایٹمی ملک ٹکرا سگدن،بھارت کوں غیر قانونی اقدامات توں باز رکھ کراہیں پناہ گزیناں دے ہک وڈے بحران توں بچیا ونج سگدے،بھارت مسلماناں دی شہریت کوں محروم کرنڑ سانگے متنازعہ بل شہریت بل منظور کیتے، 20 کروڑ بھارتی مسلماناں دے حقوق کھسیے ویندے پن،اقوام متحدہ اتے عالمی برادری مقبوضہ کشمیر دی صورتحال اتے بھارت اچ متنازعہ شہریت بل دی منظوری دا نوٹس گھنے،بے وس اتے بے وسیلہ پناہ گزیناں دے مسئلے امیر ملک سمجھ ای نی سگدے۔ایں قانون دے خلاف بھارت اچ فسادات تھیندے پن اتے لوک سڑکاں تے ہن،پاکستان اوکھ دے باوجود 30لکھ افغان پناہ گزیناں دی میزبانی کریندا پے،ایجھے حالات بنڑاونڑے پمسن جو پناہ گزین عزت نال اپنڑے وطن ونج سگن۔اے گالھیں انہاں منگل کوں پناہ گزیناں بارے عالمی فورم توں خطاب کریندے ہوئیں آکھی۔انہاں آکھیا جو پناہ گزیناں بارے پہلا عالمی فورم کراونڑ تے خوشی اے،۔انہاں آکھیا جو پاکستان جیہا غریب ملک جتھاں بے روزگاری اتے عوام دی بنیادی لوڑھ پوری کرنڑ سانگے کم کیتا ویندا پے اتھاں اتنی وڈی تعداد اچ پناہ گزین رہندے پئن۔انہاں آکھیا جو ج اگست توں مقبوضہ کشمیر دے 80لکھ عوام محصور اے،جانڑ بجھ کراہیں مسلم اکثریت کوں اقلیت اچ بدلنڑ دی کوشش کیتی ویندی پی اے،ساکوں ڈر اے جو مسئلہ کشمیر تے توجہ نہ ڈتی گئی تاں ڈو ایٹمی ملک ٹکرا سگدن،بھارت کوں غیر قانونی اقدامات توں باز رکھ کراہیں پناہ گزیناں دے ہک وڈے بحران توں بچیا ونج سگدے۔انہاں آکھیا جو اقوام متحدہ دے جنرل سیکرٹری اتھاں موجود ہن،اے ویلھا اے جو عالمی برادری ایں صورتحال دا نوٹس گھنے۔انہاں آکھیا جو بھارت متنازعہ شہریت دا ہک قانون منظور کیتے،انہاں آکھیا جو آسام اچ مسلماناں دا ہک وڈی تعداد آباد اے،بھارت اچ ایں قانون دے تحت فسادات تھیندے پن اتے لوک سڑکاں تے ہن،ایں قانون دے تحت پاکستان،افغانستان اتے بنگلہ دیش دے مسلماناں کوں بھارت دی شہریت کائنا ملسی۔مسلماناں دے سوا کوئی وی اقلیت بھارت دی شہریت گھن سگدی اے،بھارت اچ20کروڑ مسلمان آباد ہن،ڈر اے جو انہاں دی شہریت وی ختم کیتی ونج سگدی اے۔ہندو،سکھ اتے مسیحی برادری بھارت اچ شہریت گھن سگدی اے پر مسلماناں کوں اے حق نی ڈتا ویندا پیا۔انہاں آکھیا جو عالمی برادری ایں دا نوٹس گھنے۔
